To The Moon

噚日喺下半場未開市已經出咗隻【輪證下半Part】先，皆因等下半場開市之後，比亞迪(01211)股價喺五分鐘圖上見Slow SCT(14.3)落到超賣或者行到落保歷加通道底線的話，隻比迪熊(58814)就當完成一趟Swing Trade收工。

喺下半場返嚟10分鐘之後已經見到比迪股價落到去五分鐘圖嘅保歷加底線，(58814)可以起身，一樣用10分鐘作為走貨價的話，按期內高低位做過0.044/0.043元，平均走貨價為0.0435元，呢一趟快執4.5格或11.54%。

真心一額汗，皆因指數喺下半場一路向上，到全日收市完埋競價之後23900點重奪。

今朝恆 $HSI(HSI)$ 市升34點之後有見向上抽高上到23951點，不過到依家10點4分，指數倒跌75點，落返去23831點位置。再等到10點12分見指數第三次被五分鐘圖50線接住，作戰室好倉又做小偷行動。

小時圖上都有見指數暫時低位做過23813點，同10線位23803點只係差10點，我都想等埋小時圖呢條10線穿唔穿，但等得嚟太遲啦(我指出文時間)。

$UB#HSI RP2712R.P(59417)$ ，收回價24220點，同現價有約380點距離，槓桿約44.1倍夠做Day Trade，博小時圖10線失守的話，11點打後再向下望得到條中軸就OK；只係小心五分鐘圖Slow STC(14.3)已經到超賣位，可能會出Swing上一上唔出奇。

作者阿珊，以技術分析專心玩輪證，唔貪心，努力賺取我家肥貓罐罐。

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。