To The Moon

上一集講到AI顛覆世界而其中一樣既另類概念係機械人，無看? 看多次，小弟有文章係Patreon (係呀，係Patreon呀，暫時係免費，好看就支持下啦 (廣告時間完)

Ben Sir，您講機械人係未來概念，即係點先? 機械人都可以炒既咩? 點炒?拿拿拿，預左您問架啦。第1樣野，我地係宏觀方向去看成件事先，機械人出現最主要係可以幫忙做體力勞動及精進的工作，人隨著年齡上升，體力及精神力都會開始減退 (都係概括講法，當然呢個世界有好多精靈的老人家，小弟都見唔少)

即係講，人口老化比率最高的地方，註: 唔係人口最多 (人口最多梗係我地偉大既中國啦、之後係印度、美國啦…但如果國家多年輕人，都唔駛下下用gum多機械人既，所以先看人口老化比率)，人口老化比率愈高的國家，機械人的需求就更強，更剛性 (無得唔用)，所以如果係宏觀投資 (即係我只買國家)，根據PRB統計 (俾埋條Link您: https://www.prb.org/resources/countries-with-the-oldest-populations-in-the-world/)，第1係日本 (估到啦)，之後9名都係歐洲國家，之後去到第31先見到加拿大，香港就係33 名(竟然…)，即係日本、歐洲想得過啦。有需求就有供應 (呢句係劉華講既，您無看<門徒>咩 (呢套係好野來既，個人推介)，看完需求就看供應啦，全球10大機械人製造商如下 (表1)

其實因為美的 (Midea=美的) 買起左一間叫Kuka (唔係賣梳化果一間)既德國機械人公司，所以先榜上有名。看番果榜，10間公司入面有4間日本、3間美國、其他國家就有3間。供應就美國最強 (遲啲可能有埋Tesla tim)，不過日本就勝在有需求、又有供應，加上佢地既製造業 (特別係硬件) 強，所以如果問我，我個人會選日本。

講完宏觀點炒 (買親都一定係Buy and Hold架啦，一個好既概念係長做長有既，炒上落就浪費哂架啦，巴菲特都長hold 可樂啦，所以咪做左首富lor (曾經))，之後就講微觀。係呢個時候，又要講故事啦 (係，唔鐘意可以唔好看，但您看到呢度Lor, 不如看埋佢啦，包您唔會後悔!)。

係呢個時候，要講下電腦歷史 (係呀，要講歷史，人類總係要犯同樣既錯誤)。俾果表您地啦，費事您地看得gum辛苦，個人電腦既歷史 (其實就係工業革命3.0，宜家咪4.0 lor)就係 (表2)

如果機械人概念係跟電腦的演進模式，炒作方法是先炒硬件 (第1梗係買IBM啦)，之後由於硬件走向普及化，就可以炒其他的電腦商 (即係Compaq、HP、Dell)，中間就可以看實硬件製造商 (Intel、Nvidia)，之後就看軟件 (微軟)

呢個概念會唔會太深? 亙聯網都同樣玩法，先炒電訊商 (中移動、香港電訊 (大家都記得8號仔係咩…))，之後就炒科網股 (騰訊)、之後就電商 (阿里爸爸)、IoT (美團)，The Game goes on

如果想Buy and Hold，gum就簡單，1975年Bill Gates果陣講佢地既願景係要每人家居要有一部電腦 (a computer on every desk and in every home)，宜家做到咪變左世界首富。所以，下一個既Buy and Hold 目標就再簡單啲，要每人家居要有一個機械人 (a robot in every home)。找到就無死，您無看微軟果圖係點既咩? 俾埋您啦 (圖1)，看完就明啦

圖1: 微軟 (1986至今) (未計您收既股息，如果計埋就唔止呢個數)

明既就識點做啦，當然記得subscribe Patreon、俾讚Ben Sir 的投資人生的社交媒體帳號

$特斯拉(TSLA)$ $微軟(MSFT)$ $英偉達(NVDA)$