To The Moon

人工智能下有咩投資主題?

一個ChatGPT為社會及科技界帶來一場風暴，今次就淺談AI對未來產業的影響及會帶來甚麼投資主題

AI是甚麼? 咪又係機器! 根據維基百科的解釋 (係，係維基百科呀)，即係指由人製造出來的機器所表現出來的智慧。通常人工智能是指透過普通電腦程式來呈現人類智慧的技術。即係簡單啲來講，就係人寫一個程式，果程式識自己用腦想野，仲識幫您「食腦」解決問題

唔想俾AI取代，就要學會駕馭AI

AI是危定機? 我都認為是兩方面都有，危就個個都講架啦，就係AI係唔會錯，做一啲有概定工序既工作係勝任有餘，所以未來行政工作將會是首當其衝，即係文書處理、資料輸入，祕書 (除非您老闆好愛您)將會是第1高危工種，當然如果係公務員就一定會中 (政府既文件多到，處理既工序又可以好多)，不過公營系統架構一般是又大又累贅，所以炒人應該無大型機構gum快既，如果自己係政府做行政就仲有得撈既，中間記得增進知識，第1樣就梗係入我地telegram羣同subscribe Patreon啦) (廣告時間完)

Gum點樣可以唔想俾人炒呢? 好簡單，第1樣野，您地有無看Tim Burton果套 <Charlie and the Chocolate Factory> (中文名: 朱古力獎門人) (Netflix有，看左2次，好有深度，好好看)，簡單講就係主角查理老豆 (簡稱: 查爸) 本身係一間牙膏廠做扭牙膏蓋

因為社會太多人食朱古力令蛀牙問題大增，牙膏需求急升，牙膏廠決定買一個扭牙膏蓋機 (即係將浮動成本改做固定成本，另類cut cost，前提係量要夠…)，查爸就俾人請食「無情雞」。查理老豆就gum無左份工。最後就係，查理老豆轉型，學點整機，後來俾番公司請番負責係整部炒左佢既牙膏蓋機 (講左呢部戲係好野來架啦，幾勵志!)。

即係講，第1樣野就係，唔想俾AI取代，就要學會駕馭AI，即係學programming lor (所以讀書係有用既，同埋用多啲腦!)。未來AI工種將會大增，AI龍頭將會興起 (所以微軟、谷歌、Tesla要看實)

AI既另一個概念: 機械人

上面都講，如果AI是一個程式，gum都要一個載體在現實中運行果program先可以做野架，現代就有電腦、手機 (您地玩緊既game (用程式寫架) 都係要靠電腦、手機去呈現俾您地看，如果唔係您看鬼到、玩鬼到)，電腦、手機就已發展得好成熟 (您有無看以前啲電腦牛龜gum大，而水壺係咩)(知既就暴露左您既年齡!)。未來 (我係講緊10年)好大機會機械人係下一個載體，因為機械人可以取代人力做好多野，您看疫情就知，啲人返唔到工廠開工，生產停滯，不過如果全部機械化，gum就唔駛驚疫情會影響生產la…另外就係勞動人口老年化，體力勞動的工，梗係留給機械人去做啦。所以機械人革命係未來勢在必行的，特別是勞工年齡老化既地方，當然商業化、令成本降低仍要時間，因此仍要時間。有時間就好，即係俾機會您慢慢儲，下一個發達機會就係呢度! (有機會再寫)

AI既另一個概念: 網路保安、身份認證

AI製造出來的東西幾可亂真，南韓仲講緊幫新聞主播整第2個AI身份做主播既工作，24小時工作不是夢。gum邊個係真、邊個係假呢? 您又想同邊個交流? 交流梗係同真人交流啦，如果您否定，您可以試下打去信用卡/銀行熱線，挑戰下自己對錄音系統既耐性，您都會即刻想去找「聯絡客戶服務員請按#制」，您唔會有心機去聽果錄音教您點waive利息既。

要解決真假呢個問題，信任既中間人係重要既，(銀行、地產行咪就係呢啲lor)，有認證機構協助就安心啦 (所以政府、律師就仲有得做架)。另一樣野就係，如果AI普及，果系統死機就真係「李香琴」(世界末日lor)

所以網路保安未來會愈來愈重要，當然唔係部部電腦、手機、機械人都要裝防毒，不過一般windows系統都有包防火牆既 (係，又係微軟呀!)，所以呢方面既需求，工商業、公營機構既需求就穩定好多，防毒軟體都係得果間jei, 您看下您地office 裝咩咪防毒軟件咪知lor

AI既另一個概念: 娛樂、運動、賭博、品牌

AI製造出來的東西幾可亂真，我問您一個問題，您去看戲，看看下我同您講果黃子華係AI，唔係真既，您第1時間反應係點? 有啲人會講，無所謂啦，我來食花生看戲架ja，但我相信大部人會正如子華係棟篤笑最驚既野，「叫回水!」，您地一定會叫回水!

觀眾A: 「我俾8xx看戲，您俾果A貨我看?，x您老母，我去海關告您違犯商品說明條例!」

觀眾B: 「我俾8xx看戲，您俾果A貨我看?，您收貴我，我俾4xx就差唔多。」，呢個情況，就即係等於去補習班，阿Sir有live班同video班一樣，video班一定係平啲既 (但大把人報，您吹咩!)

所以即使AI興起，但真人娛樂既需求是不可或缺既 (呢個需求等於點解AV、鹹game興起，但妓女事業仍歷久不衰一樣)，特別是表演藝術 (舞臺劇、棟篤笑)，即係麥沛東仲有得做lor，(係，繼續俾人屈，自己都入左戲院屈左佢2次)

AI既另一個概念: 運動行業

除了藝術外，運動行業亦會繼續大放異彩，因為係娛樂既一部份，當然到時機械人都有運動比賽既，不過應該到時有分人類組同機械組既 (介紹您玩一隻以前係世嘉五代叫Cyberball既遊戲)，曼聯都係我考慮之列來既，當然唔少得果啲ESPN果類體育臺 (係，係迪迪尼呀)

大家仲有到時有錢就會多時間，但都係鍾意玩，所以旅遊、主題公園就仲有希望 (如果唔俾疫情打殘既話，講左人類先係最可惡既生物…)，迪士尼今日去左未? Namco Park 今日去左未? (係，Namco同迪士尼有上市架，日本仲有好多IP野公司tim)

遊戲就係遊戲，好既遊戲係永遠有人玩，所以任天堂我係會看實既 (日本真係好多好野..)

AI既另一個概念: 賭博

博彩業就仲有得做，呢個同人性有關，人性好逸惡勞 (您問下發明大王愛迪生點解會俾人炒)，想一朝發達，想走捷徑，搏一搏，單車變摩托，即刻財自，wow!) 所以賭呢味野都係有得做 (您明點解馬會仲未執，而政府要找佢開刀啦)，不過賭博股呢啲，一係就買龍頭，一係就買閤家歡 (即係有得賭、有得食、有得買果啲)，想當日都俾人話點解要買閤家歡? 好簡單，啲大客賭幾次就會去第2啲地方賭，做閤家歡先係最穩陣，阿爸賭錢、阿媽買野，小朋友有得玩有得食，一條龍服務，仲一條龍找哂您地啲錢，係唔係好好呢!)

AI既另一個概念: 品牌

AI降臨之下，品牌企業未來將大放異彩，特別是名牌。其實宜家都係，人類專注力因為電子儀器出現而大幅下跌，唔識買就找大品牌一般係無死 (當然識玩既就會識找啲專門既野啦)。呢個故事即係等於麥當勞點解仲係等於漢堡包? 咪就係因為品牌lor, Marketing you know…自問麥記都唔係最好食果間漢堡包，我都認為Five Guys，但因為品牌同埋商業模式，麥記仲未死，您吹咩。如果您再唔明，問您多一個問題，點解Hermes gum值錢? 因為人地係手工車架ma (夫人放過一次youtube俾我看講既)，您講唔可以用機整咩? 可以，不過手製貨品先顯得有價值，人地都唔係走量產既路線。所以都係果句，品牌企業仍有佢既價值

人未來最重要就係自己既品牌

人方面，人未來最重要就係自己既品牌，如<南海十三郎>入面謝君豪既十三郎問扮演既唐滌生既潘燦良點解要做名編劇，唐講佢要證明「文章有價!」(宜家可能難啲)，原因係再過多3、50年，黃金、錢、世界大事全部都係過眼雲煙，但一個好既劇本，50年100年都有人欣賞，就算自己死左，都會有人看，呢啲叫文章有價! 即係，等於周星馳等於港產喜劇、家有喜事係港產喜劇片既classic一樣 (宜家都拍唔番，有啲演員都仙遊左，有啲您叫佢再拍番都啋您都傻!)，另外就係，球王比利、碧鹹、馬勒當拿等於足球; 米高佐敦、奧尼爾勒邦佔士等於籃球，每年看生肖運程書都係看蘇民峯、李居明一樣…

AI可以幫手拿data、寫野，但最後點分析同演繹件事就靠人既創意，要有自己既個性 (係，我講野係gum架啦)，所以我地果行就仲得做既，您地有點看呢? 可以去BenSir的投資人生的Youtube、Facebook、Patreon講一講您既看法!

下次再分析番啲股票點看啦! 下次再見啦!