To The Moon

噚日都係無睇到 $HSI(HSI)$ ，執咗隻 $SPDR GOLD TRT(02840)$ 出嚟，皆因今個星期比較多事發生：美英日三國議息，當中最關注嘅如常都係美聯儲議息，除咗減定唔減&減幾多之外，唔少人買定花生等睇特朗普仲想點整聯儲局；疊加美國法院判咗特朗普「對等關稅」唔合法，一堆因素加加埋埋之下，資金都係泊住喺金市，推到佢上每盎斯3700美元。

輪證世界同金相關度較高嘅就係隻(02840)再生出嚟嘅產品，所以噚日揀咗隻 $UBSPDRG@EC2604A.C(19298)$ 。

呢注又無Set到話上望幾多，但你又唔好諗住隻Call無收回，長Hold等金破到上太空喎，唔睇個到期日都睇住個S金走勢，如果價內咗嘅話，咁隻輪最強嘅爆發力(時間值+出現內含價值)已經出現，所以係應該要再換過另一隻價外Call。

再唔理個行使價，都理下個走勢；拜託~ Call都有槓桿耶~ Set幾多做你嘅割菜位至好?!唔過夜嘅臨收市前收工可以，或者一早Mark定數到幾多格/幾多%亦可。(貫轍呢度唔過夜宗旨，(19298)唔過夜埋數計入逢月尾會做一個小總結嘅【月度報告】)

往年我都記得《施政報告》係10點開波，但今年睇返稿係11點，哦~是但啦，都係咁做架啫；只係有少少唔同嘅係，多咗一個鐘頭嘅時間喺個市度睇嚇有無寶尋。

少少指定動作嘅係應該都會講下啲金融發展，或者去邊度引啲投資者過嚟香港，或反過來香港如何向唔知邊度開新市場。啱呀， $HKEX(00388)$ 唔中正紅心都兩倍區。

依家仲有1分鐘先至完U盤，有見恆指期貨低走中，而港交所股價企住喺450蚊以上位置，日線圖上見呢五六個交易日都重返上五條主要平均線之上，係爭少少10線未上返20線啫，有嘅話五條平均線重新排列仲靚仔。

今朝指數高開115點，好彩噚日臨完場前喺作戰室嗌出注打靶都唔肉赤嘅恆指牛過夜，開市後見恆指都係喺26550點附近遊走一陣，但10分鐘唔駛已經企上26600點兼又再創4年新高，過夜注不輪全食埋放風箏留少少再放飛都OK。

至於隻港交所今朝都有見隨大市上行，喺小時圖上見股價借到10線，而由9月8日到今股價都一直Keep住喺保歷加上升通道裡面向上運行，幾好咁呀，但依家9點43分有見佢保歷加通道口收窄，頂線453.47元同暫時做過嘅高位453.4元好近，即係話要佢再上呢，最低限度保歷加條頂線向番上少少，先至有條生路出嚟行嚇。

靠近返小時圖條10/20線先至出 $UB#HKEX RC2610P.C(56110)$ 可以嘅，收回432元，同現價有約19.8元嘅距離，槓桿月約18.4倍為全場最高槓桿港交牛，街貨12.71%唔算多架啦，向下數落去仲多添呀！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或遊說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。