To The Moon

噚日揀咗兩隻貨出嚟，分別係恆指牛(62078)同 $UB#HSI RP28113.P(69267)$ ，原本諗住出文後 $HSI(HSI)$ 同Slow STC(14.3)喺五分鐘圖上都見到觸底上，所以揀咗隻牛證行先。但唔緊要，直去追指數向下落以熊證先行都得，因為喺未見到五分鐘圖Slow STC(14.3)出觸底之前，隻(62078)已經被收回，你當然可以再揀第二隻再遠嘅牛證捉Swing Trade啦，只不過我無揀定，所以無得Mark。(11點打後的確係出到觸底上行，只係隻牛被收回後20分鐘嘅事)

噚日下半場要外出所以無睇到個市，但今朝返嚟同作戰室嘅戰友一齊睇，見到原來五分鐘圖用咗3點至4點呢段時間行咗個「楔形」出嚟。而今朝指數開市後初段都仲係喺個「楔形」裡面運行至10點前見指數向上突破「楔形」頂線，作戰室有戰友先收150點好倉先。

拉闊個五分鐘先發現原來指數唔止係沿住噚日嘅「楔形」行，而係借噚日下半場開始嘅「長方形」而行。BTW今朝初段啲棍都大支，追棍都真係要小心。

指數有啲難玩，向個股方向出發嘅話，應該比較多人會關心返隻 $TENCENT(00700)$ 。

噚日騰訊最多跌成40蚊，低見561元，而今日指數係咁玩燈掣，但佢都專注於喺低位徘徊，數值上的確係可以話佢出緊「身懷六甲」，但形態上又真係唔多啱，所以都不能count佢係「身懷六甲」。

換個小時圖上見股價目前處於保歷加下降通道，而整條保歷加都有見向下運行，Slow STC(14.3)兩線亦見勢頭向下。原先諗住睇下借唔借到10線唔過先再比個淡倉出禺，但發覺小時圖嘅10線太遠啦；依家10點21分見反而五分鐘圖借緊條10線向下中。

預一預可以出文之後有機會出觸底上嘅話，咁就可以吼高位出 $UB#TENCTRP2812H.P(69628)$ ，收回價620元，同現價有約51元嘅距離，槓桿月約12.9倍為市場上第二最高槓桿熊。

點為之吼高出?!用返早噚日兩手準備出淡倉個方法，五分鐘圖SLow STC(14.3)超買有見觸頂向下做Swing Trade可以，或者見五分鐘圖10/20線唔過，當進取啲咗做亦可。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

3/2作戰室實況 - 想學番一招半式旁身?!作戰室日日Day Trade教你技術分析!直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或遊說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。