To The Moon

噚日揀咗隻 $UB#HSI RP2404T.P(56856)$ 出嚟，只係打算做下Day Trade，以五分鐘圖 $HSI(HSI)$ 唔過中軸為由出隻淡倉，順住依家所見嘅整條保歷加通道向下運行。 以噚日Patreon出文時間1點16分，如常的on top比多10分鐘作為睇文時間，即喺1點26分時睇返五分鐘圖，當時指數確實向邁向中軸出發，但可惜唔過到兼見上影線，呢個時侯可以出隻(56856)。以1點30分確定見到上影線之後決定出倉起計10分鐘，(56856)於1點30分至1點40分期內高低位做過0.055元/0.048元計，平均買入價為0.0515元。 呢一注真係有排玩，指數下行速度一啲都唔高，但還好方向正確，本身出隻(56856)只係博Slow STC(14,3)可以Swing trade到一趟就算，結果整條保歷加通道向下運行，(56856)一直hold住一直到3點20分，指數同Slow STC(14,3)觸底向上上破中軸位，(56856)亦可以功成身退。由3點20分起計10分鐘作為走貨時間，即3點20分至3點30分(56856)期間高低位做過0.063元/0.058元，平均走貨價為0.0605元。用接近兩個鐘佛系咗隻淡倉平均有九格或17.48%收成，都很不錯啦！ 今朝起身個天依舊都係暗暗的，開電視睇新聞見到話市場估計繼瑞信後，下一間有問題嘅銀行可能係德銀，嘿，都話呢啲嘢搞掂一間之後唔等於第二間無事架啦，問題係如何揭發，如何補救啫。不過，隔晚美股喺議息前夕造好，連帶恆指今朝都見升，保持日線圖上日升日跌嘅隊形。 依家9點58分，恆指仍然保持綠燈，只係升幅一度縮到得返100點都唔夠，依家再次擴大至升緊177點，報19178點。五分鐘圖上見整條保歷加通道呈上，所以都要預咗指數稍稍回一回問下方嘅平均線借力先至有可能再上過。 睇咗個日線圖先，噚日指數稍稍失守150天線，今日再睇指數算是重上150天線之上，依家10點5分，恆指暫時低位見19074點，同150天線(約19111點)，一度失守37點，但依家算是守得到。同時留意到目前陰陽燭形態出現咗「身懷六甲」，當然呢個係未確定啦，要收市真係收得到呢個樣先到可以確認嘅，但喺咁關鍵嘅150天線之上出現轉勢嘅「身懷六甲」，或者對好友嚟講都係一件好事。 嚟到10點12分，恆指升幅一度擴大至逾200點，高見19210點，五分鐘圖上整條保歷加通道上行中，指數同Slow STC(14,3)的確有出現觸頂向下運行嘅可能，先唔理「身懷六甲」出唔出得成，如果劇本係Keep住日升日跌嘅隊形的話， $JP#HSI RC2309U.C(64378)$ ，收回價18730點，同現價有逾430點差距，槓桿都有約33.04倍，蓋目前恆指升幅忽然收窄，進取嘅五分鐘圖見中軸有支持先至出動，否則如常的用返Slow STC(14,3)做Swing Trade，即係等到超賣位先至出場啦。