To The Moon

上個星期五(4月28日)隻 $SG#HSI RC2312M.C(61251)$ 最後都係要止蝕離場，事關喺下半場Set好咗三個逃生方案，最後竟然出咗立即止蝕嗰款，激氣。 以上個星期五Patreon出文時間為1點49分，On top加多10分鐘，即1點59分，見到五分鐘圖上嘅保歷加通道口已經拓闊(其實一Post文上去無幾耐佢已經拓闊)。由2點起計10分鐘作為走(61251)的話，期內高低位做過0.045元/0.04元，平均走貨價為0.0425元。捱咁耐都係要平均輸10格或19.05%，今個之好彩之前勤勤力力，未至於見底啫。 三日假期話咁快就完，呢個假期為疫情後第一個五一黃金週，唔落街都感受到嗰種人多擠擁嘅氣氛。不過，最擠擁嘅都莫過於噚日下午三點幾左右，新聞出咗美國第一共和銀行倒閉嘅消息，隔咗一陣再出埋摩根大通接手，噚日美股有市，喺佢哋開市前settled down所有嘢，危機咪就係咁「化解」架囉。 呢趟「化解」化到今朝港股升逾200點開市，開市重返20000點樓上水平。截至依家9點43分， $HSI(HSI)$ 一度高見20286點，第一層熊證20200至20299點應該全數吞曬，因為開search engine你會見到其實喺呢層最大收回嘅熊證，收回價只都係20700點，之後再上嘅就已經係20300點，亦都即係熊證重貨區，呢層再打唔打上去？依家9點50分見指數升幅大為收窄至得79點，報19973點，喺五分鐘圖高位見「射擊之星」後作戰室出淡倉，依家已經有人報喜12格熊證先行落袋；隔多陣有個食廿格添，咁就收得工啦。 Patreon作戰室實況截圖配恆指五分鐘走勢圖(詳見輪證贏家FB/Patreon) 依家10點4分，恆指一度見倒跌，目前指數升幅得返個位數，Slow STC(14,3)兩線於五分鐘圖上重新回落返去超賣水平，750分鐘線(五分鐘圖150線)接得住指數，換上保歷加通道睇，雖然未見拓闊，不過底線都有少少向下，唯一有望靠得到有支持嘅，可能喺小時圖嘅保歷加中軸。 不過，五分鐘之後整個走勢圖完全唔同曬，小時圖連中軸都穿埋，如果用返小時圖做彿系注的話，過中軸出淡倉可以， $BP#HSI RP2604Y.P(61049)$ ，收回價20400點，同現價有370點差距，槓桿約39.27倍。唯一要留意嘅係目前小時圖上見保歷加通道口收窄中，所以下方即使目前無曬所有平均線，但保歷加底線向上嘅同時，係有可能壓低熊證嘅獲利幅度。