To The Moon

噚日手執 $UB#HSI RP2710X.P(58498)$ ，而朝早再揀嘅 $UB#HSI RP28029.P(62838)$ 就未搵到位落場，所以唯有繼續睇住隻(58498)，等小時圖嘅Slow STC(14.3)落到超賣位就走人。

喺噚日嘅下午1點打後小時圖上已經見到Slow STC(14.3)落到超賣位，再去到2點至3點就開始見到Slow STC(14.3)觸底上，咁即係話(58498)可以喺呢段時間進行收割。

按噚日2點至3點期間(58498)高低位做過0.092元/0.088元，平均價為0.09元，即呢一趟平均過夜食35格或63.64%。

今朝 $HSI(HSI)$ 向下再跌多90點開市，擺位見23620點，同今日嘅牛熊證街貨圖比較嘅話，睇嚟佢今日有啲似劍指23500至23599點嘅牛證街貨，雖然唔係重貨區，但都有1184張期指街貨，食一層都夠飽。

依家9點39分，作戰室喺未U至未正式開市之前已經Plan定出淡倉，到依家我相信戰友們都已經手執淡倉，等緊指數向下落到23500點附時，先掃佢100點做早餐。

唯一要考量嘅係個小時圖，因為Slow STC(14.3)兩線噚日都已經落到超賣，今日如果要指數要再下行的話，咁小時圖嘅保歷加一定要保持拓闊，先至比到條件Slow STC(14.3)出超賣再超賣。

到咗10點，指數喺小時圖上見23497/23493點呢兩個低位，嚴格嚟講佢唔算係平底，因為爭4點；但事實係指數喺23500點呢個位玩咗好耐。

作戰室淡倉全線已經離場，等緊嘅係五分鐘圖如果借得到23500點築底上嘅話，咁理應好倉做反手，怕就怕在一反即到五分鐘圖10線又玩完。

始終小時圖嘅Slow STC(14.3)仍然向下，而且指數亦靠近下方牛證，留意23300至23399點呢度仲有一層過千張期指街貨。

$UB#HSI RP2804J.P(64039)$ ，收回價23865點，為市場上最貼價熊證中最高槓桿，有約49倍，擺到明做Day Trade，但都要安全啲，確認得到23500點穿先至好出場。

同時比定隻 $UB#HSI RC2708K.C(59340)$ ，收回價23450點，擺位低於重貨牛，因為我哋都睇住小時圖條Slow STC(14.3)隨時觸底上。

作者阿珊，以技術分析專心玩輪證，唔貪心，努力賺取我家肥貓罐罐。

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。