To The Moon

噚日揀咗隻 $UB#HSI RP2403K.P(57839)$ 出嚟，喺上半場尾段見 $HSI(HSI)$ 係咁飆咗上去，Slow STC(14,3)上到超買再超買位，但無耐見回，終於都符合到出隻(57839)嘅策略，平均買入價為0.0345元。

喺下半場開始之後，指數如願地向下行，(57839)邦由一隻瘦瘦嘅熊開始變肥，不過指數落到250分鐘線(五分鐘圖50線)之後又見企定再上，比多次機會捱得到唔穿500分鐘線(五分鐘圖100線)同750分鐘線((五分鐘圖150線)都無乜用，因為指數輕輕回落後串住50分鐘線橫行。如果數住格仔做Trade的話，當時見(57839)證價為0.041元，對比平均買入價都仲有大約7格左右，食咗先定係再睇線，就隨得大家啦。

誓估唔到指數捱過呢一下之後向下再落，一直去到下半場2點55分，Slow STC(14,3)由超買水平重新落返去超賣位，呢個時侯(57839)算是完成咗一趟Swing。如常的用返10分鐘作為走貨時間，即2點55分至3點5分期間，(57839)高低位做過0.047元/0.041，平均走貨價為0.044元，呢一趟剛好平均執到有接近10格或27.54%。

走貨後過多五分鐘，見指數反方向上破中軸水平，本以為自己走啱位，誰不知又再過多五分鐘之後，指數向下失返條中軸之餘，由嗰時開始指數一直向下行至臨完場前10分鐘先至識得停，下半場低位19530點，同上半場低位19509點，只係相差21點。如果隻(67839)捱到臨收市前收工，證價上到0.06元添，不過策略就係要嚴守，贏得到正數就應該心滿意足。

噚日收市之後出咗去私家醫生度覆診，終於可以再次踏上減藥之旅，今次醫生都比上次小心啲，本來1/3嘅分量咁減，但今次佢都估守啲先減1/6先，唔好理，有進步好過原地踏步(我唔介意做手術條頸會有好似一隻手指咁長嘅條疤，但我極度介意無咗個甲狀腺會肥廿幾三十磅)。

今朝天繼續黑，喺屋企都覺得凍，指數先開升120點，開市後一度高衝至升逾200點後向下再落，依家9點43分，恆指同天氣同步都開始見黑，升幅縮窄至得返52點，做緊19620點。

望下日線圖，指數今朝早開市個位剛好企住喺100天線水平，上有20天線，下有10天線，依家10點1分，見指數升幅收窄回返落去10天線附近位置。而由22700點開始至今嘅「下降通道」都開始算是被3月中出現嘅小型「上升通道」破壞咗，咁啱指數都落到去小型「上升通道」嘅底線，怕且個情況都唔算是好差。

但係比較憎嘅係嚟到依家小時圖行咗個「三角形」出嚟，搞到用五分鐘圖做DT嘅戰友時想追追唔到，一係一追就被人摑一巴咁，暫時嚟到呢度DT不了；或者暫宜觀察返個小時圖嘅「三角形」同埋日線圖10天線+小型「上升通道」底線嘅支持。